我地都領教過一個同特首弟婦追錢嘅議員, 拍心口話幫我地追討, 有十幾個苦主戇居居交晒文件俾佢, 浪費時間走去宣完誓,話授權俾呢個議員同銀行傾, 最後影都冇,玩足苦主幾個月.

一個行政會兼立法會議員呢頭響立法會門口,話代苦主向政府爭取百分百賠償, 仲嗌哂口號, 但係轉個頭就成個黨響會議中投反對票, 阻止成立雷曼小組調查事件, 同政府同銀行狼狽為奸, 正一"笑騎騎, 放毒蛇"! 明跣苦主!事後又厚顏無恥地話苦主聽錯,但係佢唔知俾人影咗,仲放埋上youtube 添.無得抵賴.跟住見親苦主都面懵懵,當冇發生過一樣.

認著呢D議員!

04 Nov 2011