雷曼苦主前日玩轉禮賓府，原來80後都有贈興。攝錄整個過程前記者蔡淑芳話，班80後本來約中午12點幾集合，但好多人起唔到身，晏晝兩點幾先立法會開始野餐，食食突然興起，上禮賓府散步。佢一行10人，去到禮賓府正門聽一輪奏樂，有講有笑，就排成火車龍，大嗌「還我真普選、曾蔭權下台」「五區公投、全民公決」「官商勾結、民不聊生」，花園兜幾個圈，玩完即散。其間便衣大為緊張，一直金睛火眼『目及』到實，臨尾仲要送佢行到落長江中心先收工。

09 Mar 2010